Најверојатно кога ќе се спомне дрон не помислувате на авиончиња од хартија. Сепак DARPA креираше токму ваков дрон. Дрон креиран од хартија и наменет за достава на лекови и медицинска опрема.
Компанијата Otherlab од Сан Франциско, доби грант од DARPA за развој на токму оваа идеја, јави Recode. Идејата е веднаш да се достават лекови кога ќе бидат потребни, пример во случај на епидемија. Леталата не се паметни ниту пак ќе има можност за повеќе од една употреба. Ќе бидат испуштани или со дронови или од авион, а единствено ќе треба безбедно да ги достават лековите.
Главна цел на леталото е да може да достави што повеќе лекови на потребната локација. Лековите ќе треба да стигнат до посакуваната локација безбедно, без да се скршат. Леталото е вид на едрилица кое доаѓа без мотор и може единствено да лебди. Леталата ќе доаѓаат со едноставно упатство за склопување и нема да има потреба од претходни познавања да се склопат.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
