Добра вест за девелоперите на апликации за iOS, Apple конечно ќе им овозможи да одговорат на рецензиите и коментарите кои ги оставаат корисниците. Промената доаѓа со iOS 10.3, оваа верзија засега е во бета, но се очекува да биде достапна за еден или два месеци, јави TechCrunch.
Ова на девелоперите на Android кои ги споделуваат своите апликации преку Google Play им е овозможено одамна. За девелоперите е навистна корисно да можат да одговорат на некои од замерките, а можеби и на пофалбите. Ќе можат да одговорат кога некој баг е поправен или да побараат повеќе информации. Овие податоци потоа ќе им бидат достапни на корисниците кои го поставиле прашањето, но и на сите останати корисници. Истовремено ќе бидат и добар показател за тоа колку издавачот ја одржува апликацијата.
Со оглед на тоа дека по подолг временски период овие рецензии, прашања и одговори ќе се натрупаат, Apple најавува промена и во нивното сортирање.
Дополнителна промена е тоа што девелоперот ќе може да ја оцени апликацијата додека работи. Повисоки и повеќе оценки значат и повисоко рангирање на апликацијата и можност за поголема видливост. Овие барања се ограничени на три пати во годината. Откако лимитот ќе биде надминат нема да има нови барања.
Со новата надградба на оперативниот систем ќе дојдат и други нови промени, како можност за пронаоѓање на безжичните слушалки. Повеќе за iOS 10.3 со излегувањето на оперативниот систем.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
