Доверливите документи кои ги достави поранешниот аналитичар, Едвард Сноуден, за најразличните стратегии со кои Американската националната агенција за безбедност (NSA) ги шпионира граѓаните на САД и светот, сега може да се најдат на едно место, подредени во една онлајн библиотека на American Civil Liberties Union.
Освен документите кои ги сподели г. Сноуден во базата ги опфаќа и сите статии на Guardian, New York Times, Washington Post и останатите медиуми кои ги објавуваат податоците. Засега базата има над 200 документи, последниот е објавен на 18 март 2014 година. Најстариот документ во базата „Процедури за набљудување на радио комуникации на осомничени интернационални трговци со наркотици“ е од 1986.
„…Сите документи објавени од тој ден досега — без разлика дали се објавени од медиумите или се владини документи — ќе бидат сместени во базата. Заедно тие ја започнаа извонредната и многу задоцнета јавна дебата за законитоста и исправноста на државното прислушување…“
Во документите се вклучени и PowerPoint презентациите кои го обелоденија Project PRISM, а според најавите секој нов документ ќе биде објавен и на Аclu.org.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Супер! Тука исто има доста од презентациите
http://leaksource.info/