Поетската манифестација Рацинови средби ги прифати друштвените мрежи како нов медиум преку кој може да се раскаже убава љубовна приказна во 140 карактери. Добитник за наградата најубава Twitter љубовна порака е Рамадан Рамадани, кој во краток твит напиша „Мина ти, се одминавме ние, заминав јас. Минато, но не ни помина. Таму сме уште, чекајќи иднина“. Наградата на г. Рамадани ќе му биде доделена на отворањето на 52-рите Рацинови средби во Велес на 11-ти јуни.
Мина ти, се одминавме ние, заминав јас. Минато, но не ни помина. Таму сме уште, чекајќи иднина #рс
— rramadani (@rramadani) May 30, 2015
Сите љубовни Twitter пораки испратени на конкурсот на манифестацијата може да ги најдете на хаш-тагот #рс.
Додека солзите за тебе ги собирам во чаша вино пред тебе, ти бдееш во небото слеп во твојата душа. #рс
— Каталин (@Sopovaaaa) June 6, 2015
Додека со очите веземе радост
на ѕвезденото платно од полноќното небо
давајќи му нова димензија на сонот
дозволи ми љубов да ти глаголам
#рс
— Корона Мортис (@Lathronniell) June 6, 2015
Телата најгласно зборуваат во мракот, нив ги прекинува шепотот на вратот. Прстите галат, и жарат, и палат..а очите искрат ко првиот пат. #рс
— Александар (@alxQ) June 5, 2015
Колку што си способен да сакаш
колку што ти треба да бидеш сакан
колку што ти значи што воопшто ти го кажав тоа
Толку можам да те сакам. #рс
— Тања (@Azhdaja) June 5, 2015
да се гаѓаме со стихови
ко некои таму заљубени
да се гаѓаме со песни, со зборови
ти мене-јас тебе
па кој кого прв погоди-го зема за себе #рс
— Poison Ivy (@Hedera_Genus) June 2, 2015
Само кога лудо ќе љубиш и ќе изгубиш, ќе ја согледаш формата на лузните на срцето – ракописно извезени имиња на љубените. #рс
— Ms. Dearheart (@DifferentialDg) June 4, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
