Сега по прв пат од пролетната најава, и по цело лето собирање 200.000 долари инвестиција од 6.500 извори, Diaspora во блог пост покажа како ќе изгледа мрежата и го објави изворниот код на мрежата.
„Денеска го објавуваме изворниот код на Diaspora. Oва е сега друштвен проект и развивањето е отворено за секој кој има техничка експертиза да сподели визија на друштвена мрежа која ќе им даде контрола на корисниците. Од сега ние ќе работиме со заедницата во подобрување и зацврстиме Diaspora.” се вели во блог постот.
Сликите на блогот покажуваат чисто дизајнирана мрежа, а Diaspora наведува неколку опции, како на пример, споделување пораки и слики приватно во реално време преку „аспекти“, спријателување на луѓе ширум интернет без врска каде е изворот на Diaspora, менаџирање пријатели преку „аспекти“. Мрежата исто така ќе води логови и ќе го енкриптира сиот сообраќај (освен фотографии, за сега).
Интересно наскоро се очекува и Facebook интеграција и преносливост на податоците. На крај од блог постот се и линковите до изворниот код на мрежата.
Diaspora најави дека првата јавна алфа ќе биде објавена во октомври.
