Основачот на Amazon, Џеф Безос побара властите да се вмешаат во патент војните во ИТ индустријата. Мислењето на г.Безос за патент војната е во слична насока со мислењата на Стив Возниак и Ерик Шмит, но сепак тој е прв кој се залага за владини интервенции во патент тужбите.
„Патентите треба да ја поттикнат иновацијата, наместо тоа почнуваме да живееме во свет во кој тие можеби ја задушуваат иновацијата.“, вели г.Безос во интервју за Metro.
И покрај тоа што живееме во златно време на технологијата, пред се за паметни телефони и Wi-Fi уреди, г. Безос предупредува дека државите мора да се заложат за промени на законите за патенти кои се штетни за општеството и за иновацијата.
„Ја сакам технологијата, го сакам иноваторството, ми се допаѓа брзата промена и навистина е златна ера за безжичните и за преносните уреди.“
Изјавата на Џеф Безос доаѓа во време кога се водат разговори помеѓу Samsung, Apple и Google под покровителство на Обединетите нации. Главна тема на разговор на конференцијата е дали патент војните го забавуваат иноваторството и развојот. Средбата се одржи во Женева, а присуствуваа претставнице од сите технолошки гиганти.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
