Apple ја купи компанијата Particle која е фокусирана на HTML5 развој и дизајнирање на веб апликации, пренесува CNET. Компанијата има работено на HTML5 проекти за Google, Motorola, Amazon, Yahoo, Sony и Apple. Particle има создадено и неколку „лаб“ проекти како што е Intervue.me, кој претставува проект за асинхроно видео интервју.
Вработените се добро запознаени со технологиите на Apple и Google, одсносно iPad, iPhone и Android уредите, како и со веб прелистувачите Chrome и Safari, но изгледа дека од тука компанијата ќе треба да се насочи само на производите на Apple.
Станува збор за компанија која е основана во 2008 година, а свои инвестиции во Particle има познатaта ѕвезда Џастин Тимберлејк кој, исто така, и има помогнато во стартувањето на сервисот за кратки видеа – robo.to.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
