Делфина е македонска Android апликација која е наменета за децата со посебни образовни потреби. Основна намена е да им помогне на децата со аутизам и пречки во развојот со учењето на говорот и јазикот. Развиена од Best Solutions, по препораки од Елена Ташкова, дефектолог – логопед од ОУ Гоце Делчев од Штип, и со помош од две млади дами Симона Андонова, 10, и Викторија Андонова, 6, апликацијата преку визуелна и аудио стимулација ги мотивира децата да го препознаваат македонското кирилично писмо, и ја стимулира аудитивната перцепција и развој на фонемската дискриминација на секој глас. Освен букви апликацијата ќе помогне за учење на броевите од 1 до 10, како и препознавање на некои едноставни геометриски форми и бои.
“Делфина“ е Македонска Андроид апликација за помош на деца со аутизам, и пречки во развојот… http://t.co/PNKUqKbwAY Pls RT @itcommk
— BestSolution (@BestSolutionMK) December 3, 2013
Во Македонија нема регистар за лица со аутизам, иако се претпоставува дека има околу 14.000 лица кои имаат некоја форма на аутизам.
„Во земјава нема национален регистар за лица со аутизам и не се знае точниот број на лица што имаат аутистичен спектар на нарушувања. Македонското научно здружение за аутизам – МНЗА има почетна епидемиолошка студија за аутизам и, според светските статистики, претпоставките се дека би требало да имаме 2.040 лица со таканаречениот Канеров аутизам и 12.240 лица со аутистичен спектар на нарушувања“, вели проф. д-р Мирјана Ќаева – Пејковска.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
