Бугарија нема да ја одобри ACTA се додека не види јасен став од ЕУ

во ИТ.ЕУ

Бугарија се повлече од одобрување на контроверзниот трговски договор АCTA. Како Германија, Полска и Холандија, и Бугарија реши да почека се додека не се види јасен и единствен став ширум Европската унија за дали да се прифати договорот.

Контроверзната ACTA предизвика многу незадоволство меѓу интернет корисниците кои на 11 февруари излегоа на протести во неколку европски земји. Многумина стравуваат дека договорот, потпишан од 22 европски земји, ЕУ, САД и други, ќе воведе построги казни за пиратите и ќе ги натера интернет провајдерите да ја набљудуваат интернет комуникацијата, што би можело да доведе до цензура и успорување на иновативните веб решенија.

„Јас сум песимист кога се работи за регулирање на индустрија, која не се адаптирала на дигиталната ера, преку санкции наместо според пазарни мерки.“, вели бугарскиот министер за економија Трајчо Трајков за Bloomberg.

Г. Трајков вели дека „авторските права не смеат да бидат ставени пред човековите права“. Според него, Бугарија нема да размислува за имплементирање на ACTA се додека не види дека во цела Европа има еден единствен став околу договорот.

Добивај известувања
Извести ме за
guest
0 Коментари
Inline Feedbacks
View all comments