Не се iPad, но седум и десет-инчниот Archos таблет компјутер е поефтина Android 2.2.1 опција која е одлична за читање и прегледување на веб сајтови. Archos 101 е еден од најголемите вакви уреди на пазарот, поголем и од 9.7-инчниот iPad. Иако е голем, сепак уредот е доста тенок, само 12mm, односно 10mm за 7-инчниот модел, и тежат само 480 грама, односно Аrchos 70 тежи само 300 грама.
На сите Wordpress блогови е додадена опција за коментирање со Twitter и Facebook профил. Корисниците ќе можат да бидат логирани на различни профили, за да биде полесно да си го одберат преку кој сакаат да коментираат.
iCloud на Apple е апликација која ви ги закачува вашите фајлови на облакот, т.е. на веб, и преку која ќе може да пристапите до нив преку било кој компјутер или било кој iOS уред. Можеби сте запознаени со Dropbox, SugarSync, Amazone Cloud Drive и Google Docs… сите тие се сервиси во облакот, слични на iCloud. […]
Интересната новина во iOS 5 е Twitter интеграцијата и систем од нотификации кои кога ќе се случи нешто ќе се појавуваат на врвот на iOS екранот без да го прекинуваат користењето на апликациите. Со извлекување на горниот дел ќе може да се прегледаат сите нотификации, што е слично со Android уредите. Нотификациите ќе се појавуваат и на почетната страна за отклучување на iPhone и другите iOS уреди. На тој екран сега ќе можат да се поставуваат виџети за следење на имејл или резултати во живо.
Аpple на својата WWDC 2011 конференција откри дека има 54 милиони Mac корисници ширум светот кои сега ќе можат да го купат новиот Mac OS X Lion преку веб за 29 долари.
Подолу се неколку креации од британскиот дизајнер Алед Луис кој ја измеша реалноста со карактери од познатите, добри и стари видео игри кои ги игравме на првите компјутери.
Контроверзните интернет активисти и хакери Anonymous објавија 10.000 имејл пораки од иранското Министерство за надворешни работи. Објавените имејлови од таканаречената „Операцијa Иран“ содржат листи од одобрени и одбиени визи и пасоши, покрај други дописки.
Хакерската група Lulz Security вели дека ги пробиле серверите на SonyPictures.com и украле околу 1 милион кориснички лозинки кои се објавени на нивниот сајт. Sony вели дека го истражува случајот.
Видео сервисот во својот едитор додаде опција за Creative Commons лиценцa кои ќе можат да го заштитат своето име како автор и можност корисниците да пребаруваат видеа по CC лиценци за да ги искористат во некој микс без да прекршат авторски права.
Microsoft на D9 конференцијата претстави фотографии од новиот Windows 8 оперативен систем. Како што може да се види од демото подолу, Windows 8, новиот оперативен систем се користи со допир. Microsoft не очекува корисниците да имаат екрани на допир, туку Windows 8 е наменет за таблет компјутерите, исто како и за десктоп компјутерите и лаптопите. Целта е да се креира еден оперативен систем за сите уреди, вели Microsoft за AllThingsD.
Ultrabooks се 2cm тенки 11.6-инчни лаптопи за кои Intel вели дека ќе „ги соединат перформансите и можностите на денешниве лаптопи, со карактеристики на таблет компјутери“.
Advanced Micro Devices ја објави идната стратегија и листа на идните производи од APU (Accelerated Processing Units) платформата на Computex 2011. Во презентацијата AMD откри дека не само што работи на чипови со ниска моќ наменети за 10 милијарди вредниот пазар на таблет компјутерите каде конкуренти му се Intel и ARM, туку истите веќе се испорачуваат до производителите.
Follow копчето на Тwitter ќе овозможи твитерџиите полесно да се поврзуваат со брендовите и веб сајтовите. Исто како и Facebook Like, Follow копчето овозможува со еден клик да се поврзете со Twitter профилот на тoj веб сајт.
Empires & Allies стартува на 1-ви јуни на 12 различни јазици. Друштвената игра е прва игра од Zynga каде играчите ќе пресметуваат меѓу себе, што е различно од претходните друштвени игри кои беа на фарми или по градови барајќи од играчите да размислуваат за економија.
Американскиот Пентагон одлучи дека компјутерска саботажа или сајбер напад кој доаѓа од друга земја е повик за војна на кој може да се одговори со користење на традиционални воени сили. Ова е одредено во првата официјална сајбер стратегија на Пентагон.
P67A-UD3P-B3 е матична плоча претставена неодамна како дел од 6-тата серија на познатиот тајвански производител на плочи Gigabyte. P67A-UD3P-B3 не само што ќе изгледа одлично во вашето куќиште со својот иновативен дизајн и темна боја (за некои доста важен момент, за некои воопшто), туку ќе ги задоволи и поголемиот број од потребите со својата функционалност, брзина и стабилност.
Линус Торвалдс официјално ја претстави 3.0 верзијата на Linux. Новата, стабилна 3.0 верзија ќе биде објавена на скорешниот 20-ти роденден на Linux.
Некои корисници на iPhone и iPad уредите ќе забележат нов, редизајниран google.com, каде покрај пребарувањето се истакнуваат сите други сервиси на Google како Images, Places, News, Shopping... како што може да се види од скриншотот погоре на phoneArena.
Новиот сервис за споделување фотографии на Twitter ќе ги има сличните можности како познатите TwitPic и Yfrog, ќе може да се закачуваат фотографии, ќе има скратувач на линкови и ќе може да се споделуваат.
Адвокатите на Samsung поднесоа барање да ја видат најновата, следна генерација на iPhone, „безврска дали телефонот се вика iPhone 4S, iPhone 5 или некое друго име, заедно со финалната верзија на пакувањето со кое продуктот ќе биде испорачан“.
