Од ноември ќе може да се купи iPad Mini со Retina дисплеј и нов, потенок iPad Аir. Сепак помалиот 7,9-инчен таблет компјутер го привлече вниманието со својот екран со 2048×1536 резолуција, како и поголемата верзија. Според Apple, Retina-та за iPad Mini била една од најбараните опции од корисниците, што е и не е за изненадување бидејќи Apple ја има технологијата, прашање на време (и маркетинг) е кога ќе беше имплементирана на помалиот таблет. Тоа што фали е можеби TouchID сензорот за отклучување на уредот со отпечаток од прст, кој во моментов е достапен само за iPhone 5S.
Новина е и што новите таблет компјутери, и iPad Mini и iPad Air, ќе работат на 64-битниот А7 процесор, кој го има само уште iPhone 5S. Според Apple, овој процесор е во класата на десктоп процесори, и иако тоа е малку маркетинг претерување, сепак нема сомнение дека е моќен.
iPad Mini со Retina ќе чини од 400 долари за 16 GB верзија до 700 долари за верзија со 128 GB и WiFi. Поголемиот 9,7-инчен iPаd Аir за кој Apple вели дека е најлесниот таблет компјутер, ќе чини од 500 до 930 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
