Google објави нова апликација која служи како додаток за Google Cardboard, малиот картон кој го претвора вашиот телефон во уред за виртуелна реалност за само 150 денари. Апликацијата е додаток на картонот, но е фантастична бидејќи сега може да си креирате ваши VR фотографии.
Најпрво треба да направите фотографија. Со оглед на тоа дека станува збор за виртуелна реалност, фотографијата треба да биде 360-степени. Како и за повеќето панорамски фотографии ова се прави со фотографирање и вртење на телефонот. По ова, апликацијата ги прилагодува сликите за да се добие 3Д симулација на виртуелна реалност. Апликацијата доаѓа во периодот пред новогодишните празници, па корисниците ќе можат да го овековечат спомените од оваа година во 3Д.
