Duo Spheres е македонска видеоигра за Android која ќе ви помогне при фокусирањето, мултитаскингот и ќе ви ја зголеми отпорноста на стрес. Duo Spheres е дело на гејминг студиото на Lynx Animation, кое пред сѐ работи на анимирани филмови, но и на уште една видеоигра „Џон Вардар против галаксијата“.
„Со играта влегувате во тест кој ви го активира церебралниот кортекс и ви ја подобрува способноста да се справите со неколку работи одеднаш. Со други зборови – ве прави покоординирани колку што повеќе игратe“, велат креаторите.
Играта е едноставна, но помалку тешка за играње, иако станува полесна кога ќе се навикнете. Играчот управува со бојата на двете крајни дестинации на топчињата и со тоа им овозможува на топчињата да влезат во контејнерите, при првата грешка играта престанува и ги броите поените. Она што ретко го гледаме кај македонските игри, е храброста на тимот да креира едноставна игра и графика, кои сепак поради естетиката со која е направена играта изгледа и функционира одлично.
