На Стојан Анастасов од Кочани, ова му е трето појавување во „Апликација на денот“. Првото беше пред една година кога пишувавме за неговата апликација Mobile Network Diary со која може да се следат тарифите на трите мобилни оператори, и која беше еден од финалистите на натпреварот за аплкации на АЕК; второто беше со Color Mania Spree играта со погаѓање на бои; а сега пишуваме за неговата нова игра, исто за Android.
Се работи за Star Falldown, игра која Стојан, фриленсер на elance.com, ја започна во пред осум месеци како дел од дипломската работа на Факултет за Инфроматика во Штип. Изработена е во AndEngine, графиката и програмирање се негови, а музиката е креирана од Пол Г. Лукс кој моментално се волонтери во здружението „Павел Шатев“ во Кочани. Тоа што е интересно со играта е што, иако таа е бесплатна, сепак Стојан ќе се обиде да заработи преку микротрансакциите. Не очекува кој-знае колкава заработка, но ако некој сака да игра без реклами или со бонуси ќе може да си плати.
[youtube]QWVIEgchT90[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
