Amazon го купува iRobot за 1,7 милијарди долари

Avatar img-thumbnail img-circle

во Вести

Најголемата светска продавница Amazon ќе потроши 1,7 милијарди долари на производителот на паметни правосмукалки iRobot. Финансиски, ова е четврта најголема зделка за компанијата. Пред неа се Whole Foods (13,7 милијарди); MGM (8,45 милијарди долари) и One Medical (3,9 милијарди долари).

iRobot започна како компанија која креира роботи за Американската армија. Пред 20 години ги додаде и првите правосмукалки за домашна употреба. Од 2016 година, iRobot ја прекина соработката со армијата, и се фокусира во целост на домашните автоматизирани правосмукалки. Роботот доаѓа со куп сензори, а во 2017 објавија дека дигиталните планови на становите кои ги користат за чистење ќе им ги понудат на некои од партнерите компании.

Роботите правосмукалки од 2020 година користат вештачка интелигенција за да препознаваат објекти во домот и да понудат најтемелно можно чистење. Роботот за потребите на оваа вештачка интелигенција креира дигитална мапа на станот. Мапата доаѓа со зони кои почесто треба да се чистат. На пример ако забележи дека е валкано по јадењето, вештачката интелигенција може да чисти околу масата по секој ручек.

Според информациите на веб-страницата на iRоbot, во 2021 стигнале до над 40 милиони правосмукалки во целиот свет. Ова значи дека Amazon ќе има детален пристап до плановите на домовите на 40 милиони семејства. Со помош на овие планови ќе знаат каде е кујната и каков е распоредот, каде е троседот и колку е стар, дали некоја од собите е пренаменета или скоро била реновирана. Најновиот модел j7 доаѓа со камера и вештачка интелигенција која веќе препознала 43 милиони објекти во становите во кои се користат.

Секако Amazon веќе има идеи како ќе профитира од оваа аквизиција. За жал дел од овие планови може да се на штета на конкуренцијата, а со тоа и на штета на потрошувачите. Еден од најголемите проблеми е што Amazon ја поседува најголемата продавница, па iRobot уредите ќе бидат малку поевтини, ќе бидат на малку повисоки позиции во резултатите, ќе се појавуваат почесто во рекламите.

Заедно со iRobot доаѓаат и податоци за секое домаќинство кое го користи паметниот робот. Amazon од онлајн порачките веќе знае многу за своите корисници, а сега ќе може да погледа и во физичкиот простор, па ќе го знае распоредот и изгледот на домот. Дополнително компанијата поседува многу паметни уреди кои веќе „ѕиркаат“ во домот на корисникот. Паметното ѕвонче Ring, паметниот звучник Echo, виртуелниот асистент Alexa… Amazon веќе поседува сопствен робот за безбедност кој може да се движи самостојно во домовите – Astro. Дополнително компанијата ја завршува зделката за купување на ланецот за примарно здравство One Medical, пишува Wired.

Од друга страна компанијата е во борба за пазарот за управување на паметниот дом. Активирањето на правосмукалките со „Alexa кажи ѝ на румба да исчисти!“ е мала предност, но натпреварот за освојување на паметниот само што започнува, а конкуренцијата ќе биде голема.

Заштитата на приватноста веќе беше предизвик за Amazon кога компанијата го купи производителот на паметното ѕвонче со камера Ring. За купувањето на iRobot да се официјализира повторно ќе треба да ги помине стандардните одобрувања од повеќе комисии.

Дел од активистите за заштита на дигиталните права речиси веднаш започнаа со критики.

„Луѓето мислат дека Amazon e онлајн продавница, но во суштина Amazon е компанија за следење. Тоа е нивниот бизнис модел, и тоа овозможува да бидат монопол и да заработуваат…

Amazon сака да ги има своите прсти насекаде, а купувањето на компанија која е изградена на мапирање на внатрешноста на домовите делува на природно проширување на надзорот кој Amazon веќе го има“, вели Еван Грир од непрофитната организација за заштита на дигитални права Fight for the Future.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Subscribe
Notify of
guest
0 Коментари
Newest
Oldest Most Voted
Inline Feedbacks
View all comments
види ги сите огласи на kariera.it.mk