CEED Tech ќе ги поддржи стартапите од Централна и Источна Европа со 5 милиони евра грант од Европската Комисија. CEED, како конзорциум на пет стартап акселератори кои соработуваат веќе три години – Startup Wise Guys од Естонија, Digital Factory од Унгарија, Startup Yard од Чешка, Open Coffee Club од Литванија и The Spot од Словачка – има за цел да инвестира во најдобрите и најиновативните ИТ решенија од регионот.
Со помош на Европската Унија, CEED ќе им понуди до 30.000 евра на најдобрите стартапи и менторство во период од три до шест месеци, кога ќе ги обучат стартапите да ги реализираат идеите и да направат солиден бизнис план. По менторството, прифатените стартапи ќе можат да аплицираат за уште 250.000 евра, пишува Inventures.eu.
Првата рунда апликација е отворена до 15 декември, и сите регионални стартапи, вклучувајќи ги и македонските!, може да аплицираат тука. Следната рунда ќе започне во 2015-та година.
CEED Tеch веќе има стартувано 94 компании, кои успеале да соберат до 5 милиони евра капитал. Конзорциумот вели дека располага со 450 ментори и експерти кои се подготвени да „ги советуваат и тренираат амбициозните претприемачи со нивните проекти“ за собирање на податоци, облак решенија, аналитика, трансакциски технологии, е-трговија, B2B решенија, локациски сервиси и безбедносен сорвис. Конзорциумот е поддржан од Seventh Framework Programme на Eвропската Комисија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Howitzer 
