Македонија барем во догледен период не е во плановите на Google за Google Maps|Business View. Од Facebook страната Мак Mедиа ни пратија дописка со Google кој вели дека услугата не само што не е достапна, туку барем засега немаат временски период во кој услугата би станала достапна.
Google Business View е дел од Google Maps кој им овозможува на корисниците да погледнат во внатрешноста на објектите како ресторани или продавници и подобро да разгледаат дали им се допаѓа пред да се одлучат да го посетат. Toa што придонесува оваа функционалност на Google Maps е што објектите кои имаат креирано Business View велат дека имаат дури 25 отсто поголема посетеност од претходно.
Со оглед на тоа дека услугата е достапна единствено во триесетина држави можеби не треба да не изненади недостапноста во Македонија. Во регионот Business View засега е достапен единствено во Бугарија. Македонија се уште нема ни Street View, преглед на улиците, иако тоа – за разлика од Business View – може да го очекуваме во обзир дека Street View започна да ги мапира српските улици.
[youtube]9CLYaukFmMw[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
