Забавната апликација Ridicolo на македонските програмери WebFactory покрај iOS верзијата за која веќе пишувавме во „Апликации на денот“, сега доби и своја Android верзија. Минимална верзија на Android оперативниот систем потребна за апликацијата е 4.0 и основната верзија е достапна бесплатно.
Идејата зад Ridicolo е да се направат „досадните фотографии позабавни“. Aпликацијата го детектира лицето на фотографиите на корисникот и овозможува „лепење“ цртани ефекти на сопствениот или на ликот на пријателите. Така нa пример ќе биде можно да си ја залепите фризурата на Елвис, пиратска шапка, викингшки шлем и се разбира мустаќи и очила! Дел од ефектите се отклучени од почетокот, а постои можност и останатите да ги отклучите бесплатно.
