Хрватската видео игра Legends of Down собра 30.000 долари преку Kickstarter

Legends of Dawn, играта на хрватското студио Dreamatrix, успеа да ги собере потребните 30.000 долари преку crowdfunding-от на Kickstarter. Триесте илјади долари ги донирале над 1.300 луѓе. Иако парите сe собрани, до затворање на Kickstarter проектот останува уште една недела.

Собрaните средства од Kickstarter ќе бидат распределени за гласовно покривање и за исплата на плагини кои се интегрирани во енџинот на Dreamatrix. За разлика од најголем број на проектите на Kickstarter, Legends of Dawn е речиси завршена, па донаторите нема да чекаат долго за своите награди. Зависно од колку ќе донираат, корисниците ќе добијат дигитални копии од играта, потпишани постери и екслузивни мапи.

Legends of Dawn е најавена за февруари 2013.Таа е омаж на старите RPG игри, Dreamatrix пред се ги истакнуваат големината на мапата, нема рестрикција на класите, може истовремено да играте воин и волшебник, но и уникатниот начин на создавање магии за кои е потребно да се комбинираат руните кои се пронајдени. Доколку играта биде успешна дизајнерите најавуваат дека во следните надградби ќе донесат мултиплеер и мод-алатки.

[youtube]669KLySLDr0[/youtube]