И самиот нов сајт, кој стартуваше денес, Taze.mk ќе функционира како директориум на сите македонски сајтови, и постарите и поновите. Идејата зад Taze.mk е да го олесни наоѓањето на, пример, нови македонски е-продавници, сајтови за информатика, сајтови за култура, блогови и други сајтови од вкупно 13 категории.
Сајтот ќе го олесни пребарувањето на сајтови со прикажување на најдобро рангираните, најпосетуваните или најновите сајтови. Има и други две интересни опции, првата е „историја“ која ќе ви ги прикаже сите сајтови кои сте ги пребарувале, а со „наши препораки“ ќе ви препорача сајтови.
Но, иако секој излистан сајт си има свој ранг, т.е. ѕвездички, најдобро е да не им верувате бидејќи рангирањето се прави анонимно и најверојатно сопствениците на сајтовите ќе се потрудат нивниот сајт да добие највисока оценка, што искрено нема поента бидјеќи како поинаку да се види фидбекот од корисниците и да се подобри услугата?
Проектот е дел на компанијата Mignix од Радовиш, односно на Благој Капсаров и Горан Митев. Kaко што најави Благој на List.mk, наскоро на Taze.mk ќе му биде додадена опција сервисот сам да прави скриншот од сајтот кој ќе биде пријавен.
