Mozilla ja објавија бета верзија на својот прелистувач Firefox за десктоп и Android мобилниот оперативен систем. Во новата верзија на Firefox која е достапна за тестирање, се вклучени IonMonkey за да ги подобри перформансите на JavaScript, со што би се добило подобро извршување на веб апликациите и игрите, како и подобра поддршка за W3C Touch настаните.
Firefox ќе поддржува Retina дисплеј за корисниците на Mac, со што би им се овозможило подобро искуство при гледање на видеа, играње на игри и самото прелистување на веб просторот. Покрај тоа, во иднина ќе има и поддршка за W3C настаните со допир.
И уште една новост која ќе ја содржи следната верзија на Firefox е оневозможувањето на небезбедната содржина. Тоа значи дека Firefox ќе може да ја оневоможи содржината на веб-сајтовите кои работат на HTTPS со цел да ја заштити вашата приватност. Таа функција можете да ја овозможите преку about:config.
Firefox Beta можете да ја преземете од http://www.mozilla.org/en-US/firefox/beta/.
