Хому Мијашита од Универзитетот Меиџи во Јапонија креираше синтетизатор на вкусови. Norimaki Synthesizer е единствен уред кој благодарение на 5 електроди може да ги креира или барем стимулира петте вкуса: слатко, солено, кисело горчливо и умами ( Вкус кој е опишан како солен и е карактеристичен за супи и варено месо ).
Петте електроди се изработени од гел со различни додатоци: слаткиот гел е изработен од глицин; солениот од натриум хлорид; горчливиот од магнезиум хлорид, киселиот од лимонска киселина; за умами е искористен глутамичен натриум.
Со помош на електрофореза се симулира вкус на јазикот. Вообичаено со електрофореза се овозможува движење на молекулите во гелови во зависност од големината на молекулите и порите во гелот. Во овој случај молекулите кои го „даваат“ вкусот се „повлечени“ од врвот кој го допира јазикот. Или, кога на гел-електродите нема напон сите вкусови се присутни, штом на некоја електрода дојде напон, овој вкус го „снемува“.
Повеќе за истражувањето може да прочитате тука.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
