Во недостаток на редовен сообраќај помеѓу островите во Британија на неколку помали острови, започнаа тестови за доставата на заштитни маски со дронови.
Првите достави треба да покажат и дали методот за достава со дронови е издржан и може да се користи за транспорт на полесни пратки. Покрај заштитните маски со дронови ќе се испорачуваат и тест пратки.
Како што тестирањето за Ковид-19 зема се поголем замав во Обединетото Кралство, предложениот транспорт ќе помогне изолираните заедници да имаат пристап до тестови кои се доставуваат брзо и ефикасно. Во моментов најголем дел од медицинските материјали и примероци, се транспортираат по копно и море, помеѓу лабораторијата во Лорн болниците на островот, вклучувајќи ги општите лекари, хируршките одделенија и останатите здравствени установи, велат од Skyport.
Транспортот и патувањето од Обан до Островот Мул е составен транспорт по копно и по вода и вообичаено се потребни 45 минути. Со дронови времето се скусува на 15 минути. Растојанието помеѓу двете локации е 16 километри.
Во тестовите се вклучени „Argyll and Bute Health and Social Care Partnership“, компанијата за достава Skyports and Thales и Агенцијата за цивилна воздушна пловидба на Британија.
Употребата на беспилотни летала овозможува подобрување на услугите и ќе помогне да се овозможи побрзо дијагностицирање кај нашите пациенти, вели Џоана Мекдоналд од „Argyll and Bute Health and Social Care Partnership“.
