Motorola претстави два нови Android уреди кои се дел од Android One програмата. Motorola One и Motorola One Power се два нови уреди чии надградби ќе доаѓаат директно од Google. Поважна и производителот, а и Google гарантираат 3 години безбедносни надградби.
Уредот доаѓа со гаранција дека ќе биде подготвен за следните две верзии на Android кои доаѓаат по Android O, односно Android P и Android Q. Надградбите на Android One доаѓаат од Google.
Motorola One доаѓа со 5,9 инчен HD Max Vision дисплеј. Телефонот доаѓа со Snapdragon 625 на 2.0 GHz; 4GB RAM; 64 GB флеш диск. Простор за дополнително проширување со MicroSD. Телефонот доаѓа со 13MP двојната задна камера и 8MP предна камера. Кога станува збор за траењето на батеријата, уредот може да работи цел ден со едно полнење на батеријата, а со TurboPower полнењето за 20 минути телефонот може да се наполни за 6 часа работа.
Motorola One Power доаѓа со Snapdragon 636 на 1.8GHz процесор. Дисплејот е 6.2-инчен fullHD. И овој уред доаѓа со 64 GB флеш диск, но со 3 GB RAM. Задната камера на телефонот е 16 MP.
Телефоните беа најавени за Европа, Јужна Америка и Азија. Претставникот на Motorola за Македонија, најави дека Motorola Android One ќе биде достапен и во Македонија.
