Darktable e солиден едитор на слики кој веќе одредено време е достапен за корисниците на Mac и Linux. Од неодамна, едиторот најде дом и во Windows опкружувањето. Како целосна Windows верзија, Darktable често се споредува со Adobe Lightroom затоа што овозможува RAW процесирање, напредно non-destructive уредување, професионално управување со бои, моќен систем за екстракција и множество од други, подеднакво корисни алатки за уредување.
Со Darktable лесно управувате со дигиталните негативи во напредна датабаза, а благодарение на non-distructive функцијата, промените не се прилепуваат врз вашата оригинална слика и секогаш имате можност да се вратите на почетокот. Низ колекцијата од слики, пребарувате по тагови, оцени на слики, обележја во поглед на бои, а што се однесува до поддржаните формати, можете да се справувате со JPEG, CR2, NEF, HDR, PFM, RAF и повеќе.
Darktable е целосно бесплатен за користење, но одредени корисници опоменуваат на одредени ограничувања, како немање директна опција за печатење и одредени багови со TIFF управување со фајлови.
