Хрватскиот Rimac Concept One е најбрзиот автомобил во светот

Автомобилот Concept One на хрватскиот производител Rimac Motors, е најбрзото возило на старт. Вирално видео на професионалниот возач Арчи Хамилтон во кое Concept One се трка со LaFerrari и Tesla Model S, ги покажува можностите на автомобилот.

Арчи Хамилтон е професионален возач и внук на Данкан Хамилтон, победник на Le Mansa. Г. Хамилтон е и видео блогер, но до ова видео неговите YouTube видеа имаа само 20.000 прегледи, пишува Netokracija. Видеото во кое Concept One се трка со LaFerrari и Model S има над 1 милион прегледи за една недела. Видеото го пренесоа и над 400 медиуми. Rimac Concept One е најбрзиот автомобил, а единствен автомобил кој е побрз на 400 метри (четвртина милја) e Flux Capacitor. На Concept One за 400 метри му се потребни 9,92 секунди.