Twitter пред некое време се ангажираше и објави официјални мобилни апликации за Android, iPhone и други уреди. Mобилното користење е природно за сервис ограничен на 140 карактери и брзо објавување на кратки информации, така официјалните клиенти станаа успешен проект, мобилното користење на сервисот се зголеми за 62 отсто, а 16 отсто од новите Twitter корисници доаѓаат преку мобилните платформи.
„Како што се надевавме во април, овие клиенти донесоа повеќе луѓе на Twitter, и, уште подобро, тие ги привлекоа и одржаа активните корисници. Всушност, за 46 отсто од активните корисници мобилното користење е редовен дел од Twitter искуството.“ вели г. Вилијамс.
Тој објави и статистика како корисниците го користат Twitter. 78 отсто од луѓето твитаат преку twitter.com, потоа следува мобилната верзија на сајтот, па, интересно твитање преку SMS и клиентите за мобилните телефони iPhone и Blackberry.
Коментари
1 коментар
Коментарите се затворени.