„Во август 2008, JavaScript беше 10 пати поспора, HMTL5 поддршката уште не беше важна карактеристика за модерен прелистувач и идејата за мулти-процесирачки прелистувач беше само проект во истражување. Сите прелистувачи поминаа долг пат во последниве две години и вебот стана позабавен и покорисен.“ вели Chrome тимот во блог пост.
Според користеноста од посетителите на IT.com.mk во последниот месец, Chrome е на второ место со 34% користеност зад Firefox со 50 отсто. Пред година дена Chrome имаше само 8%, и беше зад Internet Explorer, додека Firefox доминираше со 70 отсто. Ова јасно кажува дека Google објави конкурентен продукт кој се повеќе зема замав како во користеност, така и во бројот на сега 6.000 додатоците. Идните планови можат да бидат уште позитивни за Chrome, ќе се стартува Chrome продавница за апликации и Chrome оперативен систем.
Конкурентноста ги поттикнува идеите. Среќен втор роденден Chrome!
