10 топ филмови на Netflix

Нема никакво сомневање во огромната моќ на Netflix. Оваа платформа за гледање филмови овозможува квалитетни и флексибилни можности за стриминг на бројни видео содржини, независно дали сте по квалитетен филм, или телевизиски серии. Единствен проблем, а ова е исклучително субјективно мислење, е цената која, за наши стандарди, знае да биде висока, особено доколку сакате да искористите некој од повисоките платежни столбови за стриминг во повисок квалитет. Токму поради тоа, честа е праксата на делење на претплатата, односно еден акаунт со повеќе лица или пак закупување на услугата со користење на аргентинско, турско или слично VPN присуство бидејќи, по некоја логика (најверојатно поголеми и поконкурентни пазари), цените се пониски на тие локации.

Независно од тоа на кој начин доаѓате до вашите Netflix содржини, не се менува фактот дека има исклучително квалитетни филмови и серии, а доколку сакате полесно да дојдете до најдоброто-од-најдоброто, сега имате на располагање официјален веб сајт кој специјализира во прикажување на топ 10 филмови и телевизиски серии. Ваквата статистика се извлекува според бројот на прегледаните часови на видео содржините.

Секој четврток, на Top10.Netflix.com можете да добиете информација за точниот број на изгледани часови за најпопуларните содржини кои се генерирани од претходната недела, односно од понеделник до недела.

Веб сајтот всушност прикажува многу повеќе од една листа. Па така, ќе наидете на листи подредени во четири категории:

• Филмови (на англиски)
• Филмови (кои не се на англиски)
• ТВ серии (на англиски)
• ТВ серии (кои не се на англиски)

Покрај менувањето на ваквите листи од недела до недела, на располагање имате и листа со најмногу гледани серии и филмови на сите времиња.

Доколку сакате, можете да ги прилагодите листите според одредена земја. Иако, Netflix со задоволство дозволува на македонските граѓани да се претплатат на стриминг услугата, Македонија не можете да ја најдете преку паѓачкото мени. И покрај тоа, листите знаат да бидат различни во зависност од избраната земја, што е одлично доколку барате нешто интересно за гледање.

Алтернатива на Netflix?

Иако Video Prime стриминг услугата на Amazon нема ни приближно доволно содржини како Netflix, сепак е значително поевтина алтернатива која би можела да ве забави на неколку месеци, нудејќи притоа и бројни бенефити за гејмерите преку услугата Twitch Prime. Од друга страна, додека полека се поплочува патот за HBO Max, македонските интернет корисници ја имаат можноста да гледаат филмови, серии и цртани на македонската стриминг-платформа Gley.mk.

А, кои се 10 топ серии и филмови на Netflix?

Враќајќи се на Netflix и на нивниот нов веб сајт, според боговите на статистиката, ова се најгледаните серии и филмови од последната недела.

Најгледани филмови:

Најгледани ТВ серии:

Се согласувате ли со листата? Што гледавте вие неделава? Кажете нѝ во коментарите!