Zynga ја стартува својата прва воена друштвена игра

Empires & Allies ќе биде стратешка игра каде играчите ќе можат да градат нации на острови и ќе се спремаат за битки креирајќи армија со пријателите. Zynga вели дека играта е како CityVille и Risk, oдносно повторно ќе се истакне друштвениот вирален момент каде самиот играч ги регрутира своите Facebook пријатели да му се приклучат во походот.

Zynga игрите се неверојатно популарни, најпопуларните апликации на Facebook се CityVille и FarmVille со по 89 милиони играчи месечно, односно 44. Вкупно игрите на Zynga имаат 221 милиони активни играчи месечно. Ова е скоро 1/3 од вкупниот број на Facebook корисници, што е голем успех за компанија чии игри се со овци и продавници.