Статистиката е од StatCounter, а по тоа што може да се види е дека Android моментално има најголем и постојан раст, се искачи скоро до 25 отсто, што е разбирливо земајќи в обзир дека се повеќе има Android уреди во Македонија. iOS забележа мал пад, но и повторен раст oткако пристигна iPhone 4 во Македонија враќајќи се над 25%.
Моментално Symbian сè уште е на прво место, но се работи за платформа во умирање. Веќе во 2012-та ќе престанат да се продаваат Symbian уреди бидејќи Nokia ги замени со Windows Phone. Toa што може да биде интересно е што Nokia е доста омилен и достапен телефон за македонските корисници, па не би изненадило во 2012-та да видиме и брз раст на Windows Phone уредите бидејќи и двата брендови им се познати на корисниците.
Користењето на мобилниот оперативен систем може да се спореди и според посетите, односно користење на Интернетот преку тие уреди. Во овој случај според Google Analytics за It.com.mk забележуваме многу, многу, многу мал процент, само 0.22% од посетите на сајтот во мај дојдоа од мобилен уред. Интересно посетите од iPad се скоро три пати повеќе од посетите од Android, iPhone и Symbian заедно. Овој iPad тренд, виден и на други сајтови, можеби значи дека треба да ги почекаме таблет компјутерите да влезат комплетно на сцената за да го оцениме користењето на мобилниот интернет.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
