Новиот уред на Microsoft наликува на нешто што сме можеле да го видиме во научно-фантастичните серии или филмови како Star Trek или Minority Report, но сè уште е рано за ваква технологија, вели Cnet.
За разлика од холограмот од Star Trek чии проекции можат да ги видат сите присутни, проекциите со HoloLens постојат единствено за корисникот кој го носи уредот. 3Д-проекциите креирани со HoloLens се сместени во просторот околу корисникот и со гестикулации може да се поместат или да бидат завртени. HoloLens доаѓа со камера која постојано ја „скенира“ собата и положбата на корисникот презентирајќи ги проекциите на подлоги кои постојат во собата. Дополнително во очилата се сместени куп сензори кој постојано ја следат положбата и движењето на корисникот кој овозможуваат презентација на генерираната графика од релевантен агол.
[youtube]qym11JnFQBM[/youtube]
За сега Oculus Rift, HoloLens, па и Google Glass се единствено почеток, за нови слични уреди кој ќе овозможат поинаква интеракција со компјутерите. Гестикулациите и 3Д-генерираната графика ќе ја зголеми продуктивноста не само на дизајнерите туку на сите кој кога ќе дојдат до некој проблем во иднина ќе можат да побараат помош од професионалци или онлајн библиотеки, кој пред корисникот сликовито ќе презентираат што треба да се направи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
