YouTube го замени Flash со HTML5 како стандард за репродукција на своите видеа. Промената стапува на сила веднаш за сите прелистувачи Chrome. IE 11 и Safari 8 како и за бета верзијата на Firefox, јави TechCrunch. „Во комбинација со Common Encryption сега може да поддржиме повеќе технологии за заштита на содржини на различни платформи со единствен сет на средства, ова ќе ги овозможи побрзо YouTube видео“, вели Ричард Леидер од YouTube.
Промената ќе овозможи имплементација на VP9 видео кодекот на Google, што ќе овозможи скратување на периодот за започнување на видеото од 15 до 80 отсто и намалување на интернет сообраќајот за видео за 35 отсто.
