Сите оние кои беа фанови на SWAT, како и постарите Rainbow Six игри ќе почувстуваат носталгично добредојде во Zero Hour.
Сценарија инспирирани од вистински настани во Бангладеш
Се работи за тактичка пукачка игра во прво лице која е сместена низ неколку локации низ Бангладеш. Мисиите се првенствено осмилени за да ги играте со вистински онлајн играчи. Онлајн е онаму каде што е забавата бидејќи константно се охрабрува меѓусебен разговор, стратешко договарање и внимателно имплементирање стратегии.
Од друга страна, доколку не сакате онлајн или пак едноставно имате потреба да вежбате, ќе можете да поминете низ бројни мисии соло. При самостојното преигрување, дополнителните девет играчи се контролираат од, за жал, исклучително лоша вештачка интелигенција. Наспроти она што го пишува во описот за играта, војниците или ќе стојат или ќе се движат во нелогични правци или пак ќе пукаат како никогаш да не држале оружје. Има добри моменти со ВИ, како при пробивање во соби, но често бевме прилично разочарани од акциите на сопатниците.
Поради тоа, најмногу може да се извлече од играта преку 5v5 PvP битките. На располагање имате режими со бомба (едниот тим се труди да деактивира бомба, а другиот да го спречи непријателскиот тим во намерата). Слично на ова, имате и режим со спасување, односно чување заложници. Во ситиации кога посакувате добра стара забава, можете да навлезете и во deathmatch.
Zero Hour не е лесна игра. Планирање и споро движење е рецепт за победа, особено при препознавање и реагирање на замки и тактичко напредување од соба-кон-соба.
Zero Hour се одликува со дваесетина мапи кои можеле да бидат подобро дизајнини. За една игра во која се постојано нагласува автентично искуство, тешко е да се гледаат исклучително генерични полу-празни соби со едни исти предмети нафрлани на сите страни. Причината поради тоа е процедуралното поставување на предмети, со цел да се понуди поразличен распоред при секое преигрување. Најсветлата страна во Zero Hour е акцијата и арсеналот од уникатните 23 оружја и 18 алатки. А кога сме кај корисни и невообичаени работи, Zero Hour ќе ви дозволи да водите и куче. Подоцна во играта, односно по првите три мисии, ќе можете и да користите тренирано куче и поефикасно да се справите со одредени непријатели.
Повеќе детали за играта
- Произведува: M7 Productions, Attrito
- Издава: Attrito, M7 Productions
- Жанр: FPS
- Платформа: Microsoft Windows
- Излезе на: 9 септември 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
