Заштедете со користење на бесплатните алтернативи на познатиот софтвер

Можеби најдобро би било да започнам со бројки за тоа колку би чинел целиот лиценциран софтвер и колкава би била казната доколку го користите нелегално. Сигурно и вие не сакате да размислувате за овие црни сценарија и давање пари, па затоа прочитајте ги алтернативите кои ви стојат на располагање и зачувајте ги парите што планирате да ги потрошите за лиценца за Windows, MS Office, Adobe Dremweaver и Photoshop, и некој рандом анти-вирус.

Оперативен систем – Ubuntu како замена на Windows, OS X

Ubuntu GNU/Linux дистрибуција и е одлична алтернатива за Windows. Ubuntu 12.10 е одлично дизајниран и има сè што му е потребно на еден почетник, а исто така може да се користи и во компаниите. Со тоа ќе заштедите доволно пари кои инаку би ги потрошиле на лиценца за Windows.

Бесплатен е и со отворен код, и вреди да му дадете шанса. Ќе откриете нешто ново и сигурно ќе научите нешто повеќе за можностите што ги нуди GNU/Linux. Исто така, доколку наидете на некои проблеми при користењето, можете слободно да се обратите кај момците и девојките од Хаклаб КИКА и Слободен софтвер Македонија кои се секогаш расположени да ви помогнат.

LibreOffice – беплатна алтернатива за Microsoft Office

LibreOffice има скоро ист дизајн како Microsoft Office, или поточно повеќе е сличен на верзијата 2003, отколку на новите од Office пакетот. LibreOffice ги содржи сите апликации кои ги има и Office пакетот на Microsoft. Writer е замена за Word, Calc за Excel, Impress за PowerPoint, а другите ќе оставиме самите да ги откриете.

LibreOffice користи свој формат за датотеките – ODF (Open Document Format), но ги поддржува и останатите формати кои се достапни и преку пакетот на Microsoft – DOC, DOCX, XLS, XLSX, PPT, PPTX и низа други формати кои не се поддржува од Microsoft. Исто таа, поддржува и зачувување на документот во PDF формат, а достапен е и на македонски јазик.

[youtube]mc845_FuONY[/youtube]

GIMP – замена на Photoshop

Далеку од тоа дека GIMP(GNU Image Manipulation Program) е подобар од Photoshop, но е добра алтернатива за уредувач на фотографии. GIMP е слободен софтвер кој нуди многу можности и извршување на комплексни обработки, но недостаток му е слабото управување со бои, CMYK и слично.

[youtube]8LmW5ndnEqw[/youtube]

Notepad++ – замена за Dreamweaver

Notepad++ е бесплатен уредувач на кодови кој е достапен и на македонски јазик. Единствена негативна страна на овој уредувач е што е достапен само на Windows. Notepad++ поддржува повеќе јазици, повеќе јазичиња (уредување на повеќе датотеки одеднаш) и сите останати функции кои ги нуди еден уредувач на кодови.

Можеби дел од овие софтвери им се непознати на поголемиот број корисници кои израснаа и се навикнаа со пиратираните Microsoft и Adobe програми, но сепак се неопходни да се знаат и да ги испробат можностите што ги нудат овие бесплатни алтернативи, сигурно ќе заштедат многу.

Добивај известувања
Извести ме за
guest
5 Коментари
Најнови
Најстари Со највеќе гласови
Inline Feedbacks
View all comments
Hater
Hater
10 years ago

Lubuntu namesto Ubuntu, nobody likes that new unity shit…

Филип
Филип
10 years ago

Многу рандом, некомплетна и проста листа.

Виктор Дано
10 years ago
Reply to  Филип

Со што би ја надополнил?

Петко
Петко
10 years ago

Ubuntu е далеку подобар ОС за разлика од winblows . кој пробал знае!

Горан
Горан
10 years ago

Expression Web 4 е бесплатна замена за Dreamweaver а не Notepad++.
Повеќе од достојна замена за Adobe Ilustrator е Expression Design 4(… за Windows) или Inkscape за останатите оперативни системи.
http://www.microsoft.com/expression/

П.С. Да се надеваме дека Microsoft ке објави уште некоја верзија на Expression Web и Design.