Alphabet (Google) го лансира првиот комерцијален сервис за достава со дронови. Беспилотните летала минатата година како дел од пилот проект на Project Wing летаа цела година, иако последните неколку месеци чекаа на дозвола за комерцијална платформа.
Во тестовите Google доставуваше храна, пијалаци и лекови, а првите достави на комерцијалните пакети ќе бидат опрема за голф, лекарства и сладолед, јави ABC.net. Други производи кои ќе бидат достапни за испорака со дрон се: леб, чоколадо и слични производи. За почеток доставата ќе биде достапна во стотина домови во предградијата на Канбера.
Првите тестови покажаа дека леталата се сосем безбедни за користење, и во текот на целата година немаше ниту еден инцидент. Сепак властите долго време ги разгледуваа потенцијалните опасности од доставата со дронови. Сепак конечната одлука е дека нема сериозна опасност.
„Сите безбедносни предизвици се проценети за да нема ризик за луѓето на земја, за имотите или за воздухопловите на небото“, вели претставник на CASA за Guardian.
Google вети дека ќе поработи и на нови летала. Жителите во локациите каде се правеа тестовите се жалеа дека има многу леталата кои се премногу гласни и се слушаат и преку затворени прозорци. Сепак предностите како намалување на загадувањето и поевтинувањето на транспортот се сериозни придобивки од оваа технологија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
