Колку од Македонците имаат пристап и колку често го користат интернетот?
Интернет пенетрацијата е зголемена на 79,3 % опфат на домаќинствата во првото тримесечје од 2018 година, спрема 73,6 % во истиот период минатата година. Исто така има подобрување и во начинот на пристап потребен за обавување на е-трговија.
Интернет корисници во Македонија
Во Република Македонија 79,2 % од популацијата на возраст 15-74 години употребила интернет или околу 1,3 милиони жители. Од тоа машкиот пол повеќе (80,9%) од женскиот (77,4%). 97,5% од младите на возраст 15-24 години употребиле интернет, а најмалку употребувале интернет во старосната група 55-74 години (46,7%) во изминатите 12 месеци. Речиси секој ден интернетот го користат 68,7% од популацијата на 15-74 години и тоа пак повеќе мажите од жените. За да пристапат до интернет најмногу користеле мобилен или паметен телефон дури 68,8% од интернет корисниците, потоа од лаптоп 41,1%, од десктоп 36,5% и 14% пристапиле од таблет.
За што го користеле најмногу интернетот Македонците во 2018?
Македонците на интернет најмногу зборувале и учествувале на Фејсбук и тоа 64.8% од интернет корисниците, но помалку од минатата година односно 83,8%. Што се однесува до користење на интернет за социјални мрежи кое е најголемо, мажите (68,6%) многу повеќе од жените (60,9%) учествувале на социјалните мрежи. Исто така спрема минатата година намалено е користењето на интернетот и за телефонирање, праќање/примање на електронска пошта.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
