Имејл испратен до вработените во компанијата открива дека Yahoo! ќе работи со инвестициската банка Allen & Comp. за да „собере барања од бројни странки кои веќе истакнале интерес за бројни потенцијални опции“. Имејлот објавен од Business Insider е испратен од ко-основачите на компанијата Џери Јанг и Дејвид Фило.
Шпекулациите за продажбата на Yahoo се појавија веднаш по отпуштањето на извршната директорка Керол Бартц.
Сепак во имејлот се вели дека на бордот на Yahoo ќе им треба време да направат оценка и ревизија на компанијата, што може да им земе време, најверојатно „месеци, не недели“.
Во секој случај, Yahoo може наскоро да има нов сопственик, најверојатно Microsoft се уште го има интересот за компанијата и покрај тоа што Yahoo пред две години одби 44 милијарди долари понуда.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
