На Windows Phone Marketplace му беше потребен само еден месец за да собере дополнителни 10.000 апликации. Но, дали овој брз раст е всушност знак дека оваа нова мобилна платформа ќе може да стане конкурентна на Apple и Google?
Windows Phone стартуваше на 21 октомври 2010. Сега, по 14 месеци, Windows продавницата стигна до 50.000 апликации, според AllAboutWindowsPhone. Тоа што е интересно е што на Windows Phone Marketplace му требаше пократко време да стигне до 50.000 апликации од 19-те месеци кои му беа потребни на Android.
Но, иако ова е импресивен раст на новата платформа, продавницата на Microsoft е далеку зад конкурентите. Android има над 300.000 достапни апликации, а iOS платформата има 500.000 апликации. Останува да се види што Microsoft, Nokia и Windows Phone 7 ќе направат во новата 2012-та година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
