Ниреј Арора, кој е одговорен за бизнис развојот на WhatsApp, за AllThingsD изјави дека од компанијата немале никакви преговори со Google за продавање на својот сервис. За тие што не се упатени, во текот на претходниот период се појавија шпекулации дека Google веќе подолго време се договара со WhatsApp, а од компанијата одбиваат да коментираат детали. Исто така, при крајот на минатата година, WhatsApp се поврзуваше со Facebook, но на крај ништо не испадна од тоа.
WhatsApp е една од популарните платформи за бесплатно испраќање на пораки преку паметните телефони. Покрај стандардните текст пораки, овозможува и испраќање на фотографии, видео, аудио и споделување на локацијата. WhatsApp е достапна за сите мобилни платформи по цена од 0,99 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
