Долго време не сме пишувале за некоја игра за мобилен телефон, па еве нешто за сите позната игра, Pac-man. Сите ја знаеме стандардната Pac-man, но оваа апликација или игра, ни нуди дури 256 нивоа, различни стази и сѐ потешки нивоа. Играта е стара 33 години, а во оваа Android апликација ништо не е сменето. Сѐ уште е познатата музика во позадина и жолтата пита и слатките. Контролите на играта се едноставни, па со прстот лесно можете да го контролирате пекменот.
Новото во оваа игра се турнирите во кои се натпреваруваат сите играчи на играта. За да имате пристап до тоа, потребно е да се регистрирате и ќе добиете одреден број на играња за секој ден. Сепак, доколку сакате да играте повеќе, ќе имате можност да си купите. Со оглед на тоа дека апликацијата е бесплатна, истата содржи и реклами, но ниту една нема да ви попречи во играњето. Доколку сакате да ги отстраните, тоа ќе ве чини 4,99 долари или 0,99 долари/месечно.
Pac-man + Tournaments можете да ја преземете бесплатно од Google Play.
[youtube]b3FnsDHAJww[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
