Илјадници војници со по неколку лажни профили водат информациска војна на друштвените мрежи. Војниците се обидуваат да ја рашират пораката дека ја преземале контролата во државата за да спречат изборна измама.
„Војниците треба да креираат неколку лажни профили и добиваат содржина и теми на разговор кои треба да ги објавуваат. Тие ги следат и онлајн активностите и се зачленуваат во групи кои се спротивставуваат на пучот за да ги следат активностите“, вели пребегнатиот капетан од Армијата на Мјанмар, Њи Тута за Reuters.
Пораките кои ги шират членовите на Армијата на неколку платформи Facebook, YouTube, TikTok, Twitter и Telegram ги обвинуваат демонстрантите за предавство, а изборните резултати за измама.
Војската ја презема контролата во Мјанмар во февруари откако на изборите победи партијата предводена од Аунг Сан Су Чи. Војската на изборите ја поддржуваше опозицијата и ја презема контролата од демократски избраната власт со обвинување за изборни нерегуларности. Изборната комисија објави дека нема никакви докази за нeрегуларност. Аунг Сан Су Чи, и членови на нејзината партија се во домашен притвор. Над 1000 цивили се убиени, а илјадници се уапсени откако армијата ја презема власта.
Facebook е недостапен во Мјанмар од февруари, но граѓаните преку VPN и натаму ја користат друштвената мрежа. Бројката е намалена од 28 милиони корисници пред забраната, на 20 милиони корисници по забраната, но друштвената мрежа и натаму е активна во државата. Припадниците на армијата мора да ги пријават своите профили на друштвените мрежи и не смеат да имаат никакви објави кои ја критикуваат хунтата или поддршка за лидерката Аунг Сан Су Чи.
Facebook прилично успешно се справи со првите дезинформации. Друштвената мрежа успеа да отстрани 98 отсто од говорот на омраза, сепак споделувањето од лажни профили е посебен предизвик, а компанијата сè уште не се справува доволно добро со овие објави.
Сепак најчест цели на кампањата сајбер војниците се нивните колеги од војската. Армијата стравува од дезертирање и менување на страната кај своите војници. Пребегнатиот капетан Њу Тита креираше онлајн група за поддршка за воениот персонал кој сака да дезертира. Групата за поддршка на Facebook има над 250 000 поддржувачи. Од почетокот на кризата од армијата дезертирале 2000 војници, вели капетанот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Сепак ова е проблем на сите друштвени мрежи, вели Џејсон Коблер во одличен текст за 404media. Сите друштвени мрежи им покажуваат куп штетни содржини на корисниците. Ако барем малку следите што се случува знаете за штетата која ја прави Instagram на тинејџерките; видеа на YouTube кои се користат за регрутирање на членови на ИСИС или Facebook и објавите за Мјанмар. […]