За прв пат во само една недела, од 25 до 31 декември, се симнати неверојатни 1,2 милијарда мобилни апликации за iOS и Android, вели Fluffy, компанија за анализа на мобилниот пазар која го подготви извештајот следејќи податоци од над 140.000 апликации кои работат на двете мобилни платформи.
Рекордот е поставен во неделата пост-католичкиот Божиќ и пред Нова Година, што значи дека празниците секако помогнаа да се помине оваа бариера од милијарда симнати апликации. Според Fluffy, католичкиот Божиќ е денот кога се бележат најмногу активации на телефони, oколу седум милиони Android и iPhone уреди, што значи и повеќе симнување на апликации. Само тој ден се симнати 232 милиони апликации.
Во тој празничен период голем дел од апликациите се на попуст и нудат промоции, што ги мотивира корисниците да ги симнат, а сигурно и многу корисници гледале на апликациите, и уредите, како нов интересен поклон за своите најблиски.
Убедливо најголем број симнувања има во САД, скоро 42 отсто од 1,2 милијарди симнувања, а потоа следи Кина (каде не се слави Божиќ), Обединетото Кралство, Канада, Германија, Франција итн.
„Гледајќи во 2012 година, Flurry очекува надминувањето на границата од една милијада симнувања неделно да биде повообичаена глетка.“, вели Fluffy во својот блог. „Додека растот на iOS и Android продолжува да запрепастува, пазарот е сè уште во својот зародиш.“
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
