Безбедносната ситуација на македонските сајтови би ја нарекол како „принудна сигурност“ бидејќи се штити она што мора, не она што треба, вели Гоце Ѓоргиоски, основачот на Hacker.mk.
„Постојат мал број сајтови кои се заштитени како што треба. Има и голем број на сајтовите кои имаат „принудна сигурност“, како што ја нарекувам, односно се реагира само по сигурносен инцидент. За жал поголемиот број на сајтови се целосно незаштитени. Причината за ова и решението на проблемот е едукација на ИТ професионалците во Македонија.“
Токму затоа е стартуван и Hacker.mk кој е едукативен веб сајт со информации за етичко хакирање, компјутерска сигурност и компјутерски мрежи. Сajтот не е наменета за пошироката јавност, туку за ИТ професионалците. Најновите трендови и вести ќе бидат објавувани на Twitter и Google+ профилите, а на сајтот има кратки статии „без многу филозофирање“, кои се детални и применливи во пракса, и статии кои теоретски ќе ги објаснат и дефинираат поимите.
Во иднина ќе има и дел сo веб алатки, како на пример, генератор на сигурни лозинки итн. Идејата зад сајтот, вели Гоце, е да се сподели знаењето и да се промовира етичкото хакирање и компјутерската сигурност.
„Во Македонија има неколку хакерски групи кои спаѓаат по описот на Gray Hat Hacking т.е. хакираат наоколу и ги известуваат администраторите на сајтовите за пронајдените ранливости и со тоа мислат дека придонесуваат за нивната сигурност. Но, тоа што тие го работат е нелегално, казниво според Кривичниот закон на Р. Македонија, и е за осуда.“
Според него, разликата помеѓу овие хакерски групи и етичките хакери е во писмената дозвола за хакирање од сопственикот на сајтот. Етичките хакери го прават истото што и другите, но имаат дозвола за тоа за разлика од gray-hat, и се комплетно спротивни black-hat хакерите кои сакаат да наштетат.
„Трендот на појавата на злобните хакери и етичките хакери насекаде во светот е ист, па и во Македонија. Прво се појавуваат злобните хакери, па потоа, како последица, се појавуват заедниците на етички хакери. Македонија се наоѓа во првата фаза, се зголемува бројот на злобните хакери и gray-hat хакерски групи, а како последица на тоа ќе гледаме појава на заедници на етички хакери. Се надевам дека Hacker.mk ќе го забрза овој процес.“, вели Гоце.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
Знаев дека ќе ја утнете темата.
Сакам само малку да ве исправам на прав пат.Би било убаво и администраторот на тој сајт http://www.hacker.mk
да се запознае со поимите Hacker и Cracker.Направете разлика меѓу овие два поими па тогаш постирајте информација.
Не мешајте поими со етичко, морално, религиозно,социјално….. хакирање.
Се знае што значи Hacker a што Cracker….
so po;it
„Се знае што значи Hacker a што Cracker…. “ Објасни тогаш?
Прашањето e дали кракер не може да биде хакер и обратно, хакер да е кракер? Секој што има вештина да манипулира со компјутерските (и други) системи и безбедност е хакер. Дали и за што го користи знаењето е друго прашање. Исто така, се работи за многу јасен термин кој се користи од глобалните медиуми бидејќи е многу појасно разбирлив за читателите, посебно кога е ставен во контекст. :)
Ни Wikipedia не може да се сложи со терминологијата. http://en.wikipedia.org/wiki/Hacker_definition_co…
LOL
Драган дај изјасни се што те мачи, супер е темата и баш на оваа тема треба да се посвети повеќе внимание за да им се разјасни на ваквите како тебе.
Ит ком мк треба малце повеќе да пишувате на оваа тема, за пенетрациско тестирање, NEXUS, BackTrack, Metasploit итн. бидејќи во последно време зачестени се нападите на мали хакерски групи претежно од Турција, Албанија и Косово врз веб страни што користат застарени CMS-и (претежно Joomla и WordPress). А за конкретни теми од оваа област би требало да се занимаваат сајтови како на пример Хакер.мк
Ste ja utnale stranata posto e za mali deca, se nadevam i avtorot e nekoe detle na koe mu teknalo da go registrira domejnot i da prevzeme nekolku kiddle tekstovi i alatki. milw0rm e super primer za web strana za network security.