Велосипедистите и сите заинтересирани во Скопје ќе можат да ги споделат своите идеи, замерки и предлози до градските власти преку онлајн дискусии. Проектот „Интелегентни алатки за креирање на политики“ е дел од европската ФП7 програма која со помош на друштвените мрежи и анкетни листови ќе ја подобри комуникацијата на властите и граѓаните, вели FUPOL. Целиот проект наликува на претходните обиди како Поправи.мк и слични апликации со кои граѓаните пријавуваат проблеми. Но, овие поплаки ретко кога стигнуваа до глувите властите.
„Сите заинтересирани можат да оставаат коментари за тоа каква е состојбата со велосипедските патеки на булеварите и на магистралните улици кои се во надлежност на Градот Скопје, дали се задоволни од нивната сегашна состојба, дали на некои од овие патеки има одредени препреки (паркирани автомобили, лошо поставени билборди и инсталации…), како и да дадат идеи и предлози на оваа тема“.
Покрај состојбата за велосипедските патеки и проблемите со кои се среќаваат велосипедистите, тема на истражувањето е и проектот на градот за изнајмување на велосипеди, па сите заинтересирани се потикнати да го споделат своето мислење и за овој проект, како и нивното искуство со изнајмувањето. Заинтересираните можат да остават коментар на интерактивната мапа или да го пополнат прашалникот. Според бројот на коментари на мапата може да се заклучи дека Скопјани се заинтересирани и возат велосипеди, но за жал добар дел од коментарите укажуваат на проблеми, што значи дека има уште доста простор за подобрување на состојбата во Скопје.
ОТВОРЕНА ДЕБАТА НА ТЕМА „КОРИСТЕЊЕ НА ВЕЛОСИПЕДОТ КАКО РЕКРЕАТИВНО И ПРЕВОЗНО СРЕДСТВО ВО СКОПЈЕ“ #скопје – http://t.co/ONNf36MiJs
— Град Скопје (@gradskopje1) July 10, 2014
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
