Покрај продадени 26 милиони iPhone телефони, 35 милијарди долари приходи и 8 милијарди долари профит, финансискиот извештај за третиот квартал на Apple кријат интересен податок за продажбата на Mac и iPad. Аpple објави дека училиштата и центрите за образование купуваат два пати повеќе iPad отколку Mac компјутери. Брзината со која се прифаќа iPad во училиштата е изненадување и за директорот на компанијата, Тим Кук, кој вели „не сум видел волку брзо прифаќање во минатото“.
Apple објави дека од 17-те милиони продадени iPad-и во последниве три месеци, еден милион се продадени na американските образовни институции, што е двојно повеќе од рекордната продажба на Mac компјутери на училиштата. Забележан е и голем интерес за iPad 2 од децата помлади од 13 години. Инаку, вкупно се продадени 4 милиони Mac компјутери.
[youtube]24R1QJAXL4s[/youtube]
Продажбата на Apple во третиот квартал е опадната, а експертите тврдат дека овој тренд ќе продолжи и во последното тримесечие годинава. Иако продажбата на iPad е зголемена за 84% за iPad и 2% Mac во однос на истиот период минатата година, намалената продажба на iPhone ја намалува вкупната заработка. Можеби нештата ќе се променат кога ќе биде објавен iPhone 5.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
