Програмирајте го интернетот да ви робува

IFTTT.com работи на многу сличен начин, претворајки ги најдосадните задачи што во спротива би ви ја уништиле душата од репетитивност, во автоматски процеси што самите си се извршуваат, и тоа во првиот момент кога ќе се случат. Кратеницата IFTTT се состои од “If This Then That”, што е најосновен програмерски концепт, но ова не е „вистинско” програмирање, туку едноставно и брзо кликање на листи и икони. Секој може да си направи автоматизирана задача за IFTTT.com. Овој сервис поддржува 47 различни интернет апликации и сервиси, значи популарниот дел од интернет е веќе покриен.

Одличен пример за тоа како може да се користи овој сервис е кога ќе програмирате да ви прати електронска пошта точно во моментот кога одредени акции ќе скокнат, или кога температурата во вашиот град ќе се спушти многу ниско.

За тие што немаат време или волја да програмираат автоматизирани задачи со IFTTT.com, тогаш постои „лесна” верзија каде што можете да искористите рецепти што други луѓе ги направиле, а вас ви изгледаат како корисни. Но длабоко ви препорачувам рачно да си направите задача затоа што корисничкиот интерфејс е толку лесен и пријателски направен што веројатно ќе почувствувате потреба да го викнете на кафе иако се работи за интернет апликација.

Еве неколку потенцијални начини да го користите IFTTT.com за инспирација:

• Секој пат кога ќе поставите освежување на Facebook фотографија, IFTTT.com ќе ја прати истата на Dropbox за безбедно чување.
• Секој пат кога ќе врне, IFTTT.com ќе ви прати електронска пошта да ве предупреди да си носите чадор..
• Секој пат кога вашиот омилен Twitter пријател ќе твитне, да добиете електронска пошта.