Американското Федерално биро за истражување, или попознато како FBI, уапсија член на хакерската група Lulzsec кој се сомничи дека е еден од одговорните за хакерскиот напад на јапонскиот гигант Sony кој се случи рано годинава. Коди Кретсингер, кој се води под хакерското име Recursion е уапсен утринава во неговиот дом во Феникс, Аризона.
Според ФБИ, 23 годишниот Кретсингер стои зад серијата хакерски напади на Sony Pictures и помогнал во дистрибуцијата на украдените податоци. Обвинет е за заговор и неовластено користење на заштитен компјутер, и доколку е осуден го чека до 15 година затворска казна. Во обвинението стои дека Кретсингер заедно со уште неколку соучесници има украдено доверливи информации од компјутерските системи на Sony Pictures користејќи SQL injection, многу честа метода за крадење информации.
Нападите врз јапонскиот гигант Sony беа само дел од нападите кои Lulzsec ги изврши на почетокот од оваа година. Во периодот помеѓу мај и јули оваа година хакерите од Lulzsec извршија напади врз сајтовите на американскиот сенат, CIA, Sony, NHS и многу други. Многу од украдените документи групата ги закачуваше онлајн со цел да ги посрамотат хакнатите институции.
Покрај апсењето на Кретсингер, FBI изврши рации во многу американски градови, меѓу кои Сан Франциско, Монтана, Њу Џерси и Минесота, барајќи луѓе кои се вмешани во операциите на хакереската група Anonymous.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
