Twitter за прв пат ја искористи можноста да цензурира содржини или профили објавени на микроблог платформата. Првиот цензуриран профил е на екстремистичката нео-нацистичка група Besseres Hannover, а цензурирањето на профилот е на барање на Министерството за внатрешни таботи на Саксонија.
Веста ја потврди и Twitter, со твит на нивниот советник Алекс Мекгиливреј:
We announced the ability to withhold content back in Jan. We’re using it now for the first time re: a group deemed illegal in Germany.
— Alex Macgillivray (@amac) October 18, 2012
Групата е цензурирана на територијата на Германија, додека остатокот на светот може да ги чита твитовите од „Besseres Hannover“. Покрај постојаните негодувањата на Twitter, организацијата во Германија се сомничи и за формирање на криминална организација. Покрај ова постои и основан сомнеж дека групата испратила електронска пошта со ксенофобни пораки до министерот за социјална политика на Саксонија Ајгил Ошкан, која има турско потекло.
Опцијата за цензурирање на твитови беше додадена на почетокот на оваа година, а Twitter ја додаде за да има можност за отстранување на содржини доколку законот во одредени држави го налага тоа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
