Британскиот студент по биологија Лиам Стејси, 21, е осуден на 56 дена затвор бидејќи преку својот Twitter профил го исмеја и навреди фудбалерот на Болтон, Фабрис Муамба, кој доживеа срцев удер за време на минатонеделниот натпревар против Тотенхам.
Тролот Стејси твитна „LOL еби го Муамба. Тој е мртов“ кога Муамба се сруши на теренот. Ова ги разгневи другите корисници, но мотивиран од критиките, Стејси продолжи да твита со несоодветни, расистички и навредливи коментари што ги натера другите да го пријават во полиција.
Соочен од полицијата Стејси одговори дека не е расист, и дека бил пиел во бар кога ги забележал твитовите за Муамба, дури се обидел пред судот да се извади велејќи дека неговиот профил бил хакнат. Но, според англискиот судија за неговото однесување „нема друга алтернатива, освен итна затворска казна“. Стејси е суспендиран и од универзитетот.
Фабис Муамба, 23, се најде во животна опасност кога неговото срце престана да работи за скоро 70-тина минути. Благодарение на брзата реакција на докторите, фудбалерот беше пренесен од теренот во локалната болница на интензивна нега. Младиот фудбалер во моментов е во стабилна, но се уште критична состојба.
Несреќниот случај на Муамба предизвика неверојатна хумани реакции од другите професионалци, а на друштвените мрежи #prayformuamba стана еден од најпопуларните хаштагови.
#prayformuamba was tweeted 670,000 times in first few days after Fabrice Muamba’s collapse says @brucedaisley of #twitter #SMWF
— The Drum (@TheDrum) March 27, 2012